Sunday, April 23, 2006

Ba-Be-Bi-Bo-Bu


Wala na ang kopya ko pero kamakailan lang, bumili ako ng bago. Ewan kung saan ko siya gagamitin. Basta nung nakita ko yung dilaw na pabalat at ang mag-inang nakasalampak sa sahig na mukhang enjoy na enjoy sa pagbabasa e naisip kong bumili.
Ito ang unang libro ko. Malamang kayo rin. “Mga Unang Hakbang sa Pagbasa” pala ang pamagat nito. Kilala ko lang kasi ito sa tawag na Abakada. Hindi ko pa rin lubos maisip kung paanong mula sa papantig na pagbabasa (ba-ba, ku-ba, ka-bi-bi, etc.) ay natuto tayong umunawa ng mga aklat na tulad ng The Da Vinci Code at Kama Sutra for Dummies (huh?). Nakakamangha.
Ngayon ko lang din napansin ang ilang nakakatuwa/nakakatawang laman ng aklat: May mapamintas (“Si Aling Nena ay mataba”), may sarcastic (“Naglilinis ka ba ng ngipin?”), merong morbid (“Mahabag ka sa batang binugbog,” “Ang bata ay bumitiw sa kalabaw”). At ang runaway winner, “Ibig kong kumain ng sisiw.”
*****
Pagsasanay. Basahin at gamitin sa pangungusap:
tala sa noo
luha sa mata
suha sa tasa
babae sa babae
binata sa binibini
Hindi ko na maalala kung paano ko sinagot ang pagsasanay. Lalo na yung huling dalawang grupo ng mga salita…
*****
Alam nating lahat na ang Harry Potter ay kay JK Rowling, ang LOTR ay kay JRR Tolkien, at ang Xerex Xaviera ay kay Xerex, pero alam ba natin kung sino ang naghanda nga aklat na angturo sa atin kung paano basahin ang mga nasabing akda? Sabi sa title page, siya si Luningning A. Salvador. Walang "About the Author" ang aklat kaya wala rin akong masabi tungkol sa kanya. Gayunpaman,
taos-pusong pasasalamat ang ipinaaabot ko (saan man siya naroroon) dahil sa kanyang pagsisikap na ipakilala sa atin ang mga "pangunang tunog at pagsasama-sama nito na siyang bumubuo sa mga salita sa Wikang Pilipino.” Amen.

No comments:

Post a Comment

Something to say?