Saturday, June 16, 2007

Estudyante Blues

"Pasukan na naman,
bakasyo'y tapos na.
Balik-paaralan
guro at eskuwela..."


Ito na lamang ang naaalala ko sa tulang minemorya namin nung Grade 2. Tungkol yata sa pag-aaral ng leksyon ang mga sumunod na linya kaya hindi na pumasok sa ulo ko.

Nitong nakaraang linggo ay nagbalik-paaralan nga ako, at isang nakakagulat/asar/windang na impormasyon ang tumambad sa akin. Akalain mo, isang libo na ang halaga ng bawat yunit? Labing-apat na libo agad, dagdagan pa ng mga bayaring katawa-tawa (Athletics, Cultural, Internet, Energy, atbp) sa pandinig. Tumataginting na Php 16, 246.50 ang inabot ng matrikula ko. Kulang pa ang mid-year bonus. Kung tutuusin ay wala na dapat akong ikagulat dahil simula pa lamang ng unang taon bilang undergrad ay usap-usapan na ang pagtaas ng tuition. Hay, ewan ko ba. Mas mahirap nga sigurong gastusin ang bunga ng sariling dugo't pawis.


*****
Sa haba ng bakasyong nagdaan, nakalimutan ko na halos kung paano ang mag-aral (bagamat hindi ko naman talaga natutunan ang tamang paraan). Tibay ng loob ang kakailanganin dahil tiyak na hindi magiging madali ang lahat, sabihin pang napapaligiran ako ng mga mabubuting kaibigan, kapamilya/kapuso, at mga bibong blockmates (chos!). =p


Sunday, June 03, 2007

pito-pito

Wala na naman akong magawa. Kung minsan naman, hindi ako magkaugaga sa sobrang dami. Pero nakakapagod din pala ang maghapong pahinga... Kaya heto, sa halip na kimkimin ang pagkabagot, sinisikap kong maging produktibong mamamayan sa pamamagitan ng pagsusulat sa blog (huh?).

Isa sa mga pampalipas-oras na madalas kong gawin ay ang paglilista. Kahit ano lang. Katulad na lamang ng nasa ibaba:

 

1) Pitong dahilan kung bakit gusto kong mag-aral ulit:
1. Masarap mag-aral, marami kang makikilala at matututunan. Tarush!
2. Maaari kang lumiban o mahuli sa klase kung kailan mo naisin (basta walang exam). Walang salary deduction!
3. Maaari kang sumalungat sa sinasabi ng iyong guro. Pwede kang magmagaling, basta tama ka. Sa trabaho, kahit alam mo at ng boss mo na tama ka, hindi ka puwedeng mangatwiran.
4. Ang trabaho ay maaaring magdulot ng brain atrophy, tulad ng nararanasan ko sa kasalukuyan. Masasabing ito ay bunga ng maghapong pakikipagtitigan sa computer at pagpapanggap na ako ay may ginagawa.
5. Malaki ang posibilidad na makansela ang klase kapag malakas ang buhos ng ulan.
6. Walang limitasyon sa oras ng lunch break. At higit sa lahat…
7. May baon!
 

2) Pitong pelikulang dapat mong mapanood bago ka sumakabilang-buhay:
1. Amelie – Jean Pierre Jeunet, France
2. Hable Con Ella – Pedro Almodovar, Spain
3. Y Tu Mama Tambien – Alfonso Cuaron, Mexico
4. Annie Hall – Woody Allen, USA
5. Ran – Akira Kurosawa, Japan
6. Moulin Rouge – Baz Luhrmann , USA
7. Life is Beautiful – Roberto Benigni, Italy
… Idagdag na rin ang Dancer in the Dark, Being John Malkovich, at Eternal Sunshine of the Spotless Mind.


3) Pitong bagay na dapat mong gawin kung ikaw ay nalulungkot:
1. kumain ng ice cream/pizza/chocolate…
2. magpakalunod sa alak
3. kumanta!
4. mag-ehersisyo (dahil madadagdagan ang timbang mo kung susundin mo ang #1, hehe)
5. matulog
6. magtrabaho
7. magdasal


4) Pitong bagay na gusto kong gawin bago ako pumanaw:
1. makatapak sa ibang bansa
2. mag-sky diving
3. mag-breastfeed!
4. umibig nang tapat (huwaat?!)
5. maligo sa ulan
6. umakyat ng bundok
7. panoorin ang paglubog ng araw sa Manila Bay kasama si _______.


5) Pitong salitang iisa ang kahulugan:
1. pumanaw
2. yumao
3. sumakabilang-buhay
4. nagpantay ang paa
5. lumisan
6. nasira
7. namatay


6) Pitong nilalang na nais kong makilala:
1. Osama Bin Laden
2. Oprah Winfrey
3. Miriam Defensor-Santiago
4. Leonardo DiCaprio
5. Woody Allen
6. Simon Cowell
7. Tenzhin Gyatso (Dalai Lama)
 

7) Pitong bagay na ginagawa ko kapag wala akong ginagawa (ano daw?):
1. Nagpapanggap na busy.
2. Nagbabasa ng libro.
3. Nakikipagtelebabad sa ka-opisinang sampung metro lamang ang layo mula sa akin.
4. Nag-iisip ng gagawin.
5. Natutulog nang nakadilat.
6. Nangangarap nang gising.
7. Nagsusulat ng mga walang kwentang bagay na katulad nito.

Image from this site

Demented Dreams

It was the first day of classes. I was in a classroom with some high school friends I haven’t seen in ages and several JCers (I only remember seeing Virge, Vani, Rhea, Cyril, Paul and Venus).The professor called my name to recite, but I was struck dumb with the unexpected question. Beads of sweat broke in my forehead and as I opened my mouth to answer, he approached closer and transformed into a dark hooded figure. The room darkened and the atmosphere became heavy. Two glints of light pierced the darkness, revealing two redheads holding up their wands. “Expecto Patronum!”
Then I woke up. I couldn’t stop laughing. Being saved by Fred and George Weasley from dementors was surely hilarious. Too bad Harry wasn’t there.

The other day, I dreamt of meeting my colleagues from my first job (who also resigned following my resignation) dining with our former boss. They looked so happy with her, and she seemed fifty pounds lighter. Then we all went to what looked like our office and I took a shower with my clothes on. My officemates never dine with my boss, much less be happy with her. And her losing weight is also out of the question so I knew even before waking up that it was just a dream (haha!).

Ang sama ko. Kaya siguro ako binabangungot.